Жаңалықтар

15 сәуір 2013
Мемлекет басшысы Нұрсұлтан Назарбаев Қоршаған ортаны қорғау министрі Нұрлан Қаппаровты қабылдады

 

Н.Қаппаров министрлік жұмысының негізгі қорытындылары туралы, атап айтқанда елімізде «жасыл экономиканы» қалыптастыру тәсілдері, «Жасыл көпір» серіктестік бағдарламасының негізгі ережелері және Астанада ЭКСПО-2017 халықаралық көрмесін өткізу тұжырымдамасын дайындау барысы туралы баяндады.

Кездесу барысында Қазақстан Президенті министрліктің елімізде су ресурстарын тиімді пайдалануды қамтамасыз ету жөніндегі қызметінің маңыздылығын атап өтті.

- Бүгінде су ресурстарын пайдалану және сақтау мәселелері Қоршаған ортаны қорғау министрлігінің құзыретіне берілді. Су ресурстары Қазақстан үшін өте маңызды болып саналады және келешекте олардың маңыздылығы тек қана арта түсетін болады. Әлемде ауыз су мен суармалы су тапшылығы бар. Осы орайда, бұл үдерістерді тиімді басқару үшін елімізге жоғары білікті мамандар қажет, - деді Нұрсұлтан Назарбаев.

Мемлекет басшысы кездесудің қорытындысы бойынша қаралған барлық мәселелер жөнінде нақты тапсырмалар берді.   


Барлық жаңалықтар
 
Өзге де кездесулер мен қабылдаулар
Барлық кездесулер мен қабылдаулар